بقلم محمد الصاوي
اكمني شاعر عيني تنطق بالمجاز
اكمني شاعر صوتي نبضه مش نشاز
اكمني شاعر فَـ الحروف هيا الملاذ
آدي القمر، دا مش قمر
دا جبين حبيبتي
لو يشيلوا عنّها طرف الحجاب
النجمه عاليه في السما إكمنها “نجمه”
الضلمه عايمه في الفضا إكمنها “ضلمه”
القلب زغرط لما شافك قال دي “نعمه”
من جمالك تبكي فـ غيابك “سحاب”
بعيون غزاله بترمي حبل العشق صيد
كل اما ترمي الشوق
أنا ببقى واقف بانسجك جوا القصيدة
في البحر سمكه لو هيبقى رمي صيدك في البحار
مبنى متين لو ناويه ترمي سهم عينك للعمار
أنا هبقى نخلة صامده جدا لو هترمي سحر عينك ف النهار
واكمنّي برضوا صعيدي مش هنطق بحبك لاجل عيب
لكن هقول جوا القصيدة للغزال
عيب اني ادخل حرب وحدي بين عيونك والرموش
وازاي أنا ادخل حرب وانا ما املك جيوش
#اليوم_الحادي_عشر
#نوفلمبر_٢٠٢٥
#NovelMber_2025
#اكتب_في_نوفمبر
#احك_في_نوفمبر
#اشحذوا_افكاركم
#وصيفة_الرضوان
