««الرساله الاخيره الفصل الثاني»»

بقلم الكاتبه رويدا عرفه

التحقيق بدأ بسرعة
لكن الغريب إن مافيش جثة ،ولا نقطة دم
ولا أي دليل على وجود مقاومة
كأن أسيل اختفت في الهوا

الضابط كريم__ كان ماسك الموبايل،
وآخر رسالة قدامه: مفتوحه
محتواها
“رجعتيلي مكاني.”
سأل البواب:
كريم__ الشقة دي كانت بتاعة مين قبل كده

البواب__ بص حواليه بتوتر وقال:
كانت بتاعة راجل اسمه سامح ،مات من سنتين

كريم__ مات إزاي

البواب __ اتقتل و محدش عرف القاتل

كريم__ سكت لحظة وبعدين قال: وكان عايش لوحده

البواب بلع ريقه وقال: لا كان معاه خطيبته

كريم __ اسمها إيه

البواب __ أسيل

الضابط__ اتجمد يعني إيه أسيل

البواب __ أيوه يا باشا
هي اللي بلغت عن مقتله
قالت إن حد اقتحم الشقة وقتله وهرب
والقضية اتقفلت ضد مجهول
لكن بعد الحادثة
أسيل اختفت ومحدش شافها تاني.

كريم __ بص حوالين الشقه
قرب من الحيطة ولاحظ حاجة غريبة
طبقة دهان جديدة على جزء صغير بس
طلب يكسروا الحيطه

دقايق
والسر ظهر وراء الحيطة
هيكل عظمي
والسلسلة اللي عليه محفور فيها اسم:
“سامح”.

كريم___ بهمس يعني هي ما اختفتش
هي رجعت
رجعت تسكن في نفس الشقة
بنفس اسمها
كأنها بتحاول تبدأ من جديد.
بس الرسائل ازاى ومسك دماغه وهو بيحاول يفهم

كريم__ مسك الموبايل و رجع يبص على ا
الرقم اللي بعت الرسائل
متسجل باسم “أسيل”.
اتجمد
يعني ايه الموبايل كان بيبعت لنفسه
فجأة الكهربا قطعت تاني
والموبايل نور لوحده
رسالة جديدة وصلت
الدور عليك يا كريم

كريم__ رفع عينه ببطء
وباب الأوضة اتقفل لوحده

يا ترى ايه دخل كريمه بالقصه دى

دا اللى هنعرفه الفصل الجاى

#الكاتبةرويداعرفه