««بوابه الظلال»»

1K

 

«««بقلم الكاتبه رويدا عرفه »»»

 

لارا ___ واقفه على السطح وبتاخد نفسها وقالت: هو إيه اللى بيحصل معايا كل شويه دا أنا مبقتش عارفه نفسى انا انسيه ولا جنيه ،وبعدين بقى يا ربى في الحيره اللى أنا فيها دى

 

وهيا واقفه بتتكلم سمعه صوت حاجه دبت على الأرض بتبص وراها بسرعه لقيت حجر

قالت: ومين كمان اللى حدف علينا الحجر دا وراحت تمسك الحجر الصغير واول ما مسكته حصلت حاجه غير متوقعه

 

وقبل ما نبدأ قصتنا نصلى على سيدنا محمد صلى الله عليه وسلم

 

يلا بينا))

 

صفيه __ يا بنتى مش كفايه قعاد مع نفسك في الاوضه طول اليوم كده ،هتحصلك حاجه ،ولا انتى عايزه يبقى عندك توحد قوليلى بس

 

لارا __ بنت عندها 18 سنه تمسك دماغها وقالت: يا ماما ابوس ايدك قولتلك كذا مره مبحبش الدوشه بحب اقعد مع نفسى فى هدوء الله ،هو انا بعمل جريمه

وبعدين يا ست الكل انا حفظت الكلام بتاع كل يوم عايزين جديد بقى وتضحك

 

صفيه __’ اه عايزه جديد ،طيب يا اختى حضرى نفسك ولادك خالتك جايين عندنا النهارده ولازم تحضرى ليهم الاكل ،وبعدين غمزت ليها وقالت: وكمان عارفه مين جاى معاهم

 

لارا ___ بلهفه مين يا ماما

 

صفيه ___ كريم ابن خالتك ،ها إيه رائيك بقى.

 

لارا__ بتضحك وقالت: تصدقي يا ماما انا بقيت بحب الدوشه جامد يلا عن اذنك خلينى اخلص اللى ورايا

 

وتدخل بسرعه على المطبخ

 

صفيه ___ بتقعد على الكرسى وقالت لنفسها: ربنا يسترها عليكى يا حبيبتي وميطلعش عندك نفس اللى كان عندى زمان

 

في مكان آخر)))

 

كريم ___ كان قاعد مع صاحبه وبيتكلمو مع بعض

 

عامر ___ سمعت يا كريم عن الكلام اللى طالع جديد

 

كريم __ بعدم فهم قال: كلام إيه اللى طالع جديد دا

 

عامر ___ انا سمعت ان فيه ناس نصهم من عالم الجن والنص التاني من عالم الانس.

 

كريم __” يضحك وقال: يا عم فكك دا كلام فارغ قال نص جن ونص انس قال

،انت بتصدق الخزعبلات دى شكلك اتجننت

 

عامر __ انت مش مصدقنى صح طيب ايه رائيك انا هثبت ليك أن كلامى صح

 

كريم ___ ودا ازاى إن شاء الله…

 

عامر ___ مش هقولك دلوقتي خليها لوقتها

يلا سلام اشوفك بعدين

 

كريم __” ماشى يا عم

 

وبعد مرور ساعات)))

 

عند لارا)))

 

لارا ___ اول ما سمعت صوت كريم طلعت تجرى وسلمت عليه

 

سهر___ طيب ايه مش هتسلمى عليا أنا كمان ،ولا أنا شفافه

 

صفيه __ تضحك وقالت: على رائى المثل يا سهر يا بنتى من لقى احبابه نسى أصحابه

 

لارا __’ راحت سلمت على سهر وقالت: لأ طبعاً ازاى انساكى دا انتى حبيبتى بس اسكتى انتى يا ماما شويه

 

وبعد مرور من الوقت

 

كان الكل اتعشى وقاعدين يهزرو ويضحكو مع بعض وقدامهم فيشار

 

وفجأه لارا غمضت عينيها وشافت

أنها كانت واقفه قدام شجره كبيره جداً وفيه واحده ست ماشيه ومعاها قطه

والقطه اتكلمت وقالت؛ لارا فى بوابه الظلام هتفتح على ايدك هنا قريب

 

وفجاه لارا فتحت عينيها وخدت نفسها بصعوبه

 

سهر ___ خدت بالها وقالت: مالك يا لارا انتى تعبانه ولا حاجه

 

لارا __ ها أبدا لا لا مفيش حاجه بس ممكن يكون الباب هيخبط دلوقتي

 

كريم ___ ضحك وهو الباب قالك إن حد هيخبط عليا ولا ايه يا لارا

 

وفى نفس اللحظه الباب فعلاً خبط

 

سهر __ بصيتلها كده باستغراب وكمان كريم

 

أما صفيه __ قلبها اتقبض وقالت: أكيد جت معاكى صدفه أنا متاكده وقعدت تضحك علشان تغير تفكيرها

 

صفيه ___ فتحت الباب وشافت ست شايله قطه

وقالت: ممكن أكل أنا جعانه جدا ومش لاقيه أكل

 

صفيه ___ اتخضت من منظرها حاضر بس انتى مين وجايه منين كده

 

لارا __ لقيت امها اتاخرت طلعت تشوفها

وأول ما شافتها اتصدمت وقالت: مش ممكن هو انتى يعنى ازاى هنا

 

صفيه ___ بصيت ليها باستغراب وقالت: انتى تعرفيها ولا ايه يا لارا

 

لارا __ اتوترت وقالت: هو أنا اه لا اقصد يمكن بشبه عليها

 

صفيه __ اه طيب تعالى يا ستى اتفضلى جوا

 

الست دخلت معاهم

 

كريم وسهر اتخضو من طريقه شكلها ولبسها

 

سهر __ راحت ورا خالتها المطبخ وقالت: مين دى يا خالتى انتى تعرفيها

 

صفيه __ لا يا حبيبتي دى سائله وجعانه فأنا هحطلها تاكل

 

سهر &__ وانتى ازاى يا خالتى تثقى فيها وتدخليها بيتك كده عادى،ما ممكن تكونى ست حراميه ولا حاجه

 

صفيه __ لا يا حبيبتي يعنى هتعمل ايه دى باين عليها غلبانه

 

عند لارا)))

 

لارا ___ قاعده تبص على الست من فوق لتحت وعلى القطه وقالت: هو انتى أسمك إيه ،هو أنا اعرفك أو شوفتك في مكان

 

الست___ أنا أسمى سيده وبعدين بصيت ليها بصه طويله وقالت: بوابه الظلام مستنياكى قريب

 

وفجاه قامت طلعت برا البيت

 

لارا __’ طلعت تجرى وراها وتنده عليها وقالت: يا سيده خدى تعالى هنا انتى قصدك ايه بالكلام دا

 

كريم __’ كان بيتكلم في التليفون وراح على صوتها هو وصفيه

 

صفيه ___ بقلق مالك يا حبيبتي حصل إيه وبتصرخى ليه كده ،هو فين الست اللى كانت معاكى هو حصل ايه يا كريم

 

كريم ___ بدهشه وعدم فهم قال: مش عارفه يا خالتى انا جالى تليفون طلعت رديت رجعت على صوتها

 

صفيه __’ طيب ما شوفتش الست اللى كانت هنا راحت فين

 

كريم __ ليه هو انتى متعرفهاش يا خالتى

 

صفيه ___ لأ يا حبيبي أول مره اشوفها

 

كريم ___ وانتى ازاى تدخليها بيتك كده يا خالتى ،وبعدين مش تقوليلى أنا فكرتك تعرفيها وسيبت لارا معاها ،افترض عملت فيها حاجه كان هيكون ايه الحل دلوقتي

 

صفيه ___ حطيت أيدها على قلبها وقالت: بعد الشر عليها الحمد لله لارا بخير

 

وبعد مرور دقايق

 

كل واحد يدخل على اوضته ينام

 

وطول الليل لارا تفكر في اللى حصل معاها وهيا مش فاهمه حاجه

 

ويعدى اليوم باحداثه

في صباح تانى يوم جديد)))

 

لارا ___ صحيت من النوم وهي حاسة بثقل غريب في صدرها قامت من على السرير ببطء وافتكرت كلام الست سيده:

بوابة الظلام مستنياكي قريب

اتنفضت وقالت لنفسها:

أنا ليه حاسة إن الكلام دا مش هزار ،وازى الشبه بينها وبين الست اللى شوفتها في خيالى يا ترى دا تهيؤات ولا ايه وقامت

نزلت من غير ما تتكلم وراحت على المطبخ

 

صفيه ___ بتبص عليها وقالت:

صباح الفل يا قلب أمك مالك وشك أصفر كده انتى حلمتى بكوابيس ولا إيه

 

لارا ___ بتتهرب وقالت:

لا يا ماما أنا بس مش نايمه كويس.

 

وفي اللحظة دي القطة اللي كانت مع الست سيده ظهرت على باب الشقة

بس المرة دي كانت واقفة تبص على لارا بثبات غريب وكأنها بتراقبها

 

لارا ___ اتجمدت في مكانها وقالت بصوت واطي:

مش ممكن إزاي القطه دى دخلت هنا

 

صفيه ___ ماخدتش بالها وقالت:

هى القطه دى جت منين،هو أنا سيبت الباب مفتوح ولا ايه دي

 

لارا ‘_ ها ممكن اه يا ماما عادى انا هحط ليها أكل واطلعها برا ،متشغليش بالك انتى بس

 

القطة قربت أكتر وبصوت مش مسموع غير للارا بس

قالت همس:

البوابة فتحت والوقت جه ،جهزى نفسك

 

لارا ___ رجعت خطوة لورا، إيديها بتترتعش وقالت:

انتى انتى بتتكلمي ازاى

 

صفيه ___ باستغراب: بتكلمى مين يا لارا

 

لارا ___ اتلخبطت وقالت:ولا حد ولا حاجه يا ماما

 

القطة لفت واختفت كأنها اتبخرت

 

صفيه ___:انتى شكلك محتاجه ترتاحي شوية روحي غيري هدومك عشان كريم هيعدي عليك بعد شويه

 

لارا ___ اتوترت وقالت: هيعدى ليا ليه هو في حاجه ولا ايه يا ماما

 

صفيه ___: لأ يا حبيبتي هيجى يوديكى على الشركه علشان تعملى انترفيو

 

لارا ___ اه صح اصل أنا نسيت

 

في المساء)))

 

لارا __ كانت واقفه على السطح وهيا سرحانه وقالت: وبعدين يا ربى في اللى بيحصل معايا ،انا مبقتش عارفه نفسى صاحيه ولا نايمه ،ومين الست دى ،وحكايه بوابه الظلام دى ايه ،طيب احكى لمين اللى شوفته ،بس لو حكيت هيقولو عنى مجنونه

 

وهيا بتكلم نفسها سمعت حاجه دبت على الأرض قالت: ايه الصوت دا هو فى حد حدف حاجه ولا ايه

وبصيت وراها بسرعه لقيت حجر صغير على الأرض قربت عنده وقالت: وانت كمان إيه اللى رماك هنا

وأول ما مسكيته ظهر منه نور بنفسجى ملى المكان وفجاه

الأرض اتهزت جامد ولقيت باب قدامها من الظلال

وسحبها زى المغناطيس

 

وبعد دقايق)))

 

لارا __ بتبص حواليها لقيت نفسها في اوضه غير اوضتها

 

صوت جاى من بعيد وقال: أخيراً كل حاجه هترجع لمكانها والحارسه بتاعتنا رجعت لينا تانى

 

لارا __ بخوف أنا مش فاهمه حاجه ومين هيا دى الحارسه

 

الصوت __ انتى طبعا ،انتى اللى كل حاجه هتفتح على ايديكى

 

لارا ،__ بتبص حواليها وقالت: هو مين اللي بيتكلم ،وفين مكانك

 

وفجاه ظهر شخص شبها من الظلال

 

لارا ___ بصدمه إيه دا دى أنا بس اتنين ازاى دا

 

الظل ___ انا انتى مفيش فرق ، أنا ظلك الحقيقى ولاد البوابات خبونى هنا ، وانا لازم ارجع مكانى الحقيقى

 

لارا ___ مكانك الحقيقي ازاى أنا مش فاهمه حاجه ومسكيت دماغها

 

الظل ___ انا اللى كان يحق ليا الحياه الحقيقه ،

 

وانتى كان ليك أنك تكونى ظلى ،لكن انتى اخدتى مكانى وقريب هرجع كل حاجه زى ما كانت

 

لارا ___ مستحيل دا يحصل وسابتها وفضلت تجرى بين الاوض لحد ما وصلت قدام حيطه كبيره مكتوب عليها رموز مزخرفه

لارا __ قالت لنفسها: ويا ترى دى إيه كمان

 

وأول ما لمستها ظهر رجل عجوز

 

لارا ___ اتخضيت ورجعت خطوتين لورا

 

العجوز ___ بصوت جهورى قوى قال: تعالى قربى لعندى متخافيش

 

لارا __ هو أنا كل شويه شكلى هكتشف حاجات اغرب واقوى من اللى قبلها يسترها ربنا بقى

وقالت: انت مين يا عم الحج وازاى ظهرت فجأة كده من الحيطه ،دا عادى يعنى عندكم

 

العجوز___ انا اسمى النبراس

 

 

لارا __ وعايز منى ايه يا عم النبراس قولى،ومين اللى جابنى هنا ،ممكن تفهمنى لأن أنا مش فاهمه حاجه

 

النبراس ___ بصى يا لارا كل إنسان ليه ظل ،مش ظله اللى على الأرض ،لا ظله الحقيقى اللى جزء من روحه

لو ظهر على الأرض الروح بتموت فهمتى يا لارا

 

لارا ___ بتبلع ريقها بخوف وقالت: يعنى هيا عايزه تموتنى علشان تاخد مكانى صح كده يا نبراس

 

نبراس ___ القبيله كلها عايزه تموتك يا لارا علشان يتفتح على إيدك بوابه الظلال

جيش كامل مستنيكى يا لارا

 

لارا ___ هنا انهارت وقعدت الأرض تعيط وهيا مش عارفه تعمل إيه

 

# الكاتبه رويدا عرفه

 

انتظروني