اكلة التحابيش من اللي قلبك يحبها

رانيا فتحي
البصارة
فول مدشوش
– كزبرة
– بقدونس
بصل اخضر
– ثوم
– فلفل حامي
– بصل
– ملح – كمون
-م ك ملوخية ناشفة
-م ص نعناع ناشف
زيت تحمير البصل
حمري البصل زي بصله الكشري
انقعي الفول لمده ساعه او اكتر
في حله فيها مايه بتغلي علي النار حطي الفول المدشوش وفصوص الثوم والنعناع الناشف والملوخيه الناشفة وبصل اخضر وبصلايه عاديه والخضره والكمون والشطه والملح وسبيها تغلي وتستوي علي نار هاديه
بعد ماتبرد اضربيها في الخلاط وارجعي حطيها علي النار وعليها كبشتين من زيت تحمير البصله وقلبيهم مع بعض واغرفيها في اطباقك الحلوة

المسقعه بالخل والثوم
باذنجان رومي
– بطاطس
-فلفل رومي
– فلفل حامي
– طماطم
– صلصه
توم مفروم
– ملح – فلفل – كمون – كزبرة ناشفه – شطة
– رشة سكر
-خل
– زيت

عفري البتنجان بالدقيق واقليه هيطلع معاكي مش شارب زيت وزي الفل
انزلي بالتوم والكزبرة في شوية زيت وطشيهم بالخل وبعدين انزلي بالصلصه وشوحيهم مع بعض والطماطم والبطاطس المقليه والفلفل الرومي والحامي واخر حاجة حطي البتنجان عشان ميتهريش ولو احتاجت شوية مايه وسبيها تغلي غلوة مع بعض

البطاطس المخللة
بطاطس مكعبات
– ثوم مفروم
– فلفل رومي
-بقدونس مفروم
– ملح – كمون
خل
– زيت
– عصير ليمون

اسلقي البطاطس في مايه بتغلي علي النار مع شوية كركم وسبيها تتسلق شوية وبعدين طلعيها علي مايه ساقعه و تبليها بالفلفل الرومي والحامي مع الخل وعصير الليمون والزيت

صينية العجة
بيض
– خضرة مشكلة
-بصل مفروم
– توم مفروم
– فلفل رومي
-فلفل حامي
– طماطم
– ربع كوب دقيق
-كوب لبن
– م ك بيكنج بودر
-ربع م ص كربوناتو
– ملح – فلفل – كمون – شطة
– زيت

ادي تشويحة للخضار علي النار
دوبي الدقيق مع اللبن والبيكنج بودر والكربوناتو وبعدين انزلي بالبيض المضرب عليهم
حطي بقى الخضار مع البيض واللبن وفي الاخر البقدونس وقلبيهم سوا و انزلي بيهم في صينية مدهونة زيت وعلي الفرن تاخد سواها