رانيا فتحي
المقادير
فرخة متقطعة أربعة أو أوراك دجاج زي ما تحبي
اربع بصلات متقطعين جوانح
فلفل رومي وحامي والوان
معلقة ص توم مهرووس
معلقة ك ملح ومعلقة ص
فلفل اسود وكمون وبهارات فراخ
وبابريكا وحبهان ورق لورا مطحون
زعتر ورشة قرفة وكيس مرقة فورية
معلقتين كبار دبس رومان
معلقة ك سكر
طريقة التحضير
صينية علي النار فيها معلقة سمنة وزيت وانزل بمعلقة السكر لحد ما تكرمل وناخد لون ذهبي اضيف البصل واقلبه لما ياخد لون ذهبي شوية واضيف التوم وأحط الفلفل واقلبه مع البصل وانزل بالمرقة والبهارات واقلبهم مع بعض واضيف اخر حاجة دبس الرومان وكده الخلطة جاهزة أطفئ عليه
اجيب اوراك الدجاج اعمل فيها فتحات بالسكينة تحت الجلد واتبلها الاول بملح وفلفل اسود واحشيها بالخلطة الررروعة ده تحت الجلد
وأحط بطاطس متقطعة بالطول واقلبها مع باقي الخلطة وأحط عليها الفراخ ونص كوب من المياه
التسوية
اغطي صينية الفراخ بورق زبدة الاول وبعدين ورق فويل وارفعها علي النار لمدة ربع ساعة بعد كده أشيل من عليها ورق الذبدة والفويل وادهن وشها بمعلقتين كاتشب عليهم معلقة ص سمنة وادخل صينية الفراخ الفرن في الرف اللي تحت علي درجة حرارة 200 لمدة نص ساعة لما تستوي والفراخ تاخد اللون القمر ده والف هنا
