إعداد/ رانيا فتحي
المقادير
نص كيلو لحم مفروم
١٠٠ جرام دهن او لية ضاني
كمية البصل قد كمية اللحم نص كيلو بصل مفروم ناعم ونصفيه كويس من الماية ونسيب الماية علي جمب
التوابل
م ص ( ملح – فلفل اسود)
١/٢ م ص بابريكا
١/٤ م ص ( كمون – كزبرة – قرفة )
رشة جوزة الطيب
م ص بيكنج بودر بتخلي الكفتة متكشش وهشة ومش مكتومة
٢ م ڪ بقسماط ناعم او دقيق عشان تخلي الكفتة تتماسك ومتفكش او بيضه ايوه بيضه مش حيبان طعمها نهائى
واهم حاجه نعجن كل المكونات كويس جدا عشان انسجة اللحم تتماسك ومتفكش ؏ السيخ
نيجي لماية البصل نضيف عليها ملح وفلفل اسود وبابريكا ومعلقتين زيت
ونبل بيها ايدينا واحنا بنصبع الكفتة سواء ؏ السيخ او علي عصيان الشيش طاووق
وتتشوي علي الفحم او ف الفرن علي درجة حرارة ٢٠٠
ولما تتطلع نحط معاها فحمة ونغطيها عشان تاخد ريحة الشوي
