سلسله شعر وشعراء -مكانى-

الشاعر/محمد فوزى القماش

من بين كل القلوب

قلبك الكبير حوانى

وانا لسه طفل بيعاني

وبتتشكل جوايا الامانى

دللنى… علمنى …ربانى

بلسانك نطق لسانى

وبحبك اتملى كيانى

اتولدت جوايا المعانى

وحياه نيلك اللى روانى

لانصرك ورجعك من تانى

للمجد للعظمه لزمانى

ياصابره..ياغاليه..ياعنوانى

ياارض خصبه عفيه زرعانى

الزرع هاينبت اسود بكل معانى

ياهرم يامسجد بناهم بنانى

ياسور عالى حماهم حمانى

ياارضي ياقويه ياخصبه تهوانى

يامناره ياغاليه ياعاليه يامكانى

ياورده يافله يا بستاني