إعداد / رانيا فتحي
المقادير
٢كوب دقيق
. بيضة كامله او صفار بيضتين
. نص كوب سكر بودرة
. كوب زبدة طريه .
رشة ملح . فانيليا
الطريقه
هنضرب كوب زبده طريه مليانه لازم تبقي طريه معاها نص كوب سكر بودر منخول كويس جداا جدا بالمضرب او بايدك بس كويس جدا لما يبقي كريمي ده أساس نجاح البتي فور وبعدين نضيف عليهم
صفار بيضتين وفانيليا ونضرب بسيط مش كتير وبعدين بقي ننزل عليهم بكوبين دقيق مش مليانين ممسوحين بس منخول معاه رشه ملح ونقلب كويس لما تلم نقسم العجينه نصين نص عليه معلقه كبيره كاكاو خام
ونحط العجينه في كيس الحلواني ونشكل او في ماكينه البيتيفور وعلي فرن سخن ٢٠٠عشر دقايق ربع ساعه بالكتير وطلعيه اووعي تغيبيه عن كده هينشف والف هنا
لنجاح البيتيفور لازم تضربي الذبده والسكر كويس وممكن تعمليه بسمنه بس حطيها في التلاجه شويه
لو عاوزه البتي فور ناعم خالص خلي الدقيق كوب وتلات اربع بس او زودي الزبده ربع كوب
لنص كيلو دقيق ٣٥٠ جرام زبده يعني كوبين الا ربع زبده وتمن كيلو سكر بودر واربعه صفار بيض
لكيلو دقيق كيلو الا ربع زبده وكوبين ونص سكر بودر وسبع صفار بيض
البتي فور مفيهوش بيكينج بودر لو عاوزاه مقرمش حطي البيض كامل
