كتبت : منار عزب
من حكمة ربنا علي البشر وجود عملية التمثيل الغذائي وهي تحلل الطعام بداخل الجسم الي طاقة
بداخل معمل الحياة الحقيقي: الميتوكوندريا
هنا يتحوّل الطعام لأنفاس، والأنفاس لطاقة،
في عملية عبقرية تسمي التمثيل الغذائي – Metabolism،
وجزء منها بيسمّى الاحتراق الحيوي – Cellular Respiration.
من هنا تبدأ القصة:
الكربوهيدرات – الشرارة الأولى للطاقة
عند تتاول العيش أو البطاطس او اي كربوهيدرات ،
الإنزيمات في الفم والامعاء بتفكك الكربوهيدرات إلى جلوكوز.
الجلوكوز ينتقل إلى الدم ثم الى “المعمل” الحقيقي في الجسم وهي : الميتوكوندريا
داخل الميتوكوندريا يلتقي الجلوكوز والأكسجين:
يتفاعلوا وينتجوا ATP – وهى عملة الطاقة
والنتيجة النهائية؟
طاقة + ماء + ثاني أكسيد الكربون.
وهو السبب الاساسي للتنفس
كل نفس بعد تناول الأكل ، هذا الأكسجين داخل جسمك “ليحرق” الغذاء بأمان، ويتحوّل لحركة، ودفء، وفكر.
البروتينات – البُناة والمهندسين
كل خلية بداخل جسمك تحتاج إلى أحماض أمينية
لبناء عضلاتك، وأنزيماتك، و حمضك النووي .
الإنزيمات دي نفسها مصنوعة من بروتينات،
لذلك البروتين مش مجرد غذاء… ده أداة الشغل الأساسية للخلية!
لو البروتين قلّ،
الإنزيمات تضعف → التفاعلات تبطأ → الميتابوليزم كله يتأثر.
الليبيدات (الدهون)
الطاقة الاحتياطية والحارس الخفي
كل جرام دهون يساوي 9 سعرات حرارية
بس الأهم إنها بتكوّن جدار كل خلية،
وبتحميها من التلف، وبتساعد في امتصاص الفيتامينات الذائبة في الدهون (A – D – E – K).
لكن لما الدهون تتأكسد أو تتحوّل لأنواع صناعية زي Trans fats، بتبدأ تنتج جزيئات مؤذية اسمها الجذور الحرة،
واللي بتهاجم جدران الخلايا وتسبب الإجهاد التأكسدي — بداية تعب الخلايا وشيخوختها المبكرة.
الفيتامينات والمعادن
العنصر الاساسي لكل التفاعل
بدون فيتامين B → الجلوكوز مش هيتحوّل لطاقة.
بدون الحديد → الأكسجين مش هيوصل لوجهته.
بدون الزنك → الإنزيمات هتتوقف عن العمل.
لذلك وجود الأكسجين والطعام ليس كافي اذا لم تجد العناصر الأساسية مثل(الفيتامينات و المعادن) تتوقف عجلة الحركة
الأحماض النووية – كتاب الوصفات السرّي للجسم
كل تفاعل في جسمك بيحصل بتعليمات مكتوبة جوه DNA،
الكود بداخل الخلية:
كيفية انتاج الإنزيم ؟ وبأي شكل؟ وبأي سرعة؟
وده اللي بيخلي الميتابوليزم لدي كل شخص مختلف.
لذلك الكربوهيدرات هي الوقود،
والبروتينات هي البنّائين،
فالـ DNA هو المهندس مسؤول عن الخريطة
الخلاصة من الكيمياء:
الميتابوليزم ليس فقط الأكل والهضم، هذه عملية تنفّس خلوية مستمرة.
الأكسجين هو “الشريك الصامت” اللي بيحوّل الأكل لحياة.
كل لقمة بتحتاج نفس، وكل نفس بيكمل لقمة.
الكيمياء بتحكي…وجسمك هو القصة الأعظم اللي بتتكتب في كل ثانية من عمرك
