إعداد/ رانيا فتحي
اول شئ وأنتي بتشترى الكرنب أختار الكرنبه البيضاوي مش المدور تكون ورقها مشدود ومتماسك وماتكونش دبلانه من الحروف وميكنش فيها أي خرام أو نقط صفرا لان لو فيها كدا يبقي من جوه مش نضيفه وبلاش الكرنب الثقيل والي ورقه مكرمش
طريقة التفريز
اسلقيه في مياه فيها ورقتين لورى ومعلقة كبيرة سكر وماتحطيش كمون ولا ملح لان الملح بيسحب الميه اللى فى الورق وبيخليه يجلد والكمون بيعمل ريحة لما يتجمد أسلقيه نص سلقه لأن التجميد بيكمل سواه
أشطفيه بعد السلق بميه من الحنفية علشان يوقف السوا
صفيه تماماً من المياه وقطعيه ورصيه في الأكياس واحفظيه في الفريزر ولما تطلعيه حطيه فى ميه ساخنه دقيتين
احسن طريقه للناس اللي مش بتعرف تقطع الكرنب هي انك تشيلي الدايره بتاعته اللي في النص وتحطيه بحاله في الميه المغليه وبعد خمس دقائق واسحبى ورقه ورقه
لاتنسى تضع تعليقا
