بقلم: أحمد حسنى القاضى الأنصارى
مش المقصود اللون، ولا الطلاء، ولا حتى أحمر الشفاه…
المقصود هو اللون اللي بيخضك، اللي بيفكّرك إن في حدود، وإن في لحظة لازم توقف.
خلي عندك شوية من “الأحمر” علشان تعرف تقول لا وقت ما الكل بيقول نعم، وتوقف لما الغلط يجرك وراك.
خلي عندك شوية من “الأحمر” لما الدنيا تغريك بحاجات كتير، وتفتكر إنك أقوى من الفتنة، فتلاقي نفسك محتاج حد جواك يرفع لك إشارة “قف”.
خلي عندك شوية من “الأحمر” علشان تمنع نفسك من الكلام اللي ممكن يجرح، ومن الفعل اللي ممكن يهدم، ومن التصرف اللي يندمك.
خلي عندك شوية من “الأحمر” في عينيك، علشان تشوف اللي حواليك لما يغرقوا، وتلحقهم قبل ما يتأخر الوقت.
خلي عندك شوية من “الأحمر” في قلبك، لما القسوة تبقى أسهل من الرحمة، ولما الصمت يبقى أريح من العتاب.
“الأحمر” مش ضعف…
ده ضمير، ووعي، وإشارة إنك لسه بني آدم
