أسرار الفسخانى لتخليل الفسيخ لشم النسيم وأنسى تشتريه من بره تانى

إعداد/ رانيا فتحي
المقادير
2 كيلو سمك بورى
كوب ملح خشن(ملح البحر)
ملعقة صغيرة شطة
ملعقة صغيرة بابريكا
ملعقة صغيرة كركم

الطريقة
اغسلى السمك ثم ضعيه فى مصفاه واتركيه امام المروحة لمدة نصف ساعة ونشفيه بمناديل مطبخ جيدا ثم اعملى للسمكة مساج كالأتى امسكى ذيل السمكة واضغطى جيدا وعلى كل السمكة وبذلك تكون السمكة بعد التخليل لحمها طرى واخلطى الملح والشطة والبابريكا والكركم واحشى الخياشيم من الملح وادعكى السمكة كلها بالملح وهاتى كيس ثلاجة وضعى فيه شويه ملح وادخلى السمكة فيه وادخليه فى كيس اخر بالعكس نم خرجى اى هوا ولفيه بأسترتش راب واعملى كل السمك بنفس الطريقة وهاتى علبة او جردل بغطا محكم ورصى فيه السمك واقفلى الغطا جيدا وكل يومين افتحى العلبة واقلبى السمكة على الناحية التانية واقفلى الغطا تانى ومدة التخليل 10 ايام لو وزن السمكة أقل من نص كيلو و15 يوم لو وزن السمكة نص كيلو أو أكتر وخالو بالكم بعد ال15 يوم من التخليل لازم تطلعى الفسيخ من مية التخليل علشان بعد كده بيحدق جدا وكل ما يقعد هيحدق اكتر
احفظيه بطريقتين
1_اخلى الفسيخ من الجلد والشوك وحطيه فى برطمان واغمريه بالزيت واقفلى عليه
2_شيلى الفسيخ من مية التخليل وحطى كل سمكة فى كيس ثلاجة وحطيهم فى علبة بلاستيك ودخليه الفريزر