بقلم: أحمد حسني القاضي الأنصاري
عندما نتحدث عن الحضارة المصرية القديمة، فإننا لا نتحدث عن مجرد معابد أو تماثيل، بل عن قصة أعظم حضارة عرفها التاريخ… حضارة بُنِيَت على ضفاف النيل، وسَطَّرت مجدها بأيدي عباقرة، سبقوا زمانهم بآلاف السنين.
1. أول دولة مركزية في التاريخ:
مصر الفرعونية كانت أول من أسّس دولة بنظام حكم مركزي، وجيش موحد، وحدود واضحة، وقوانين مكتوبة… يعني “دولة حقيقية” قبل أن تعرف البشرية معنى الدولة!
2. الطب الفرعوني:
كان المصري القديم يُجري العمليات الجراحية ويعرف التخصصات الطبية بدقة. في بردية “إدوين سميث” مثلاً، وُثِّقَت طرق علاج إصابات الدماغ والعمود الفقري! والأعشاب اللي استخدموها لسه بنستخدم بعضها في الطب الحديث لحد النهارده.
3. العمارة الخالدة:
أهرامات الجيزة، خاصة هرم خوفو، مش مجرد قبور، دي أعاجيب هندسية بتتحدى الزمن والعقول. لحد النهارده، العلماء مبهورين بدقة البناء والمحاذاة الفلكية… كأنهم استخدموا تكنولوجيا المستقبل!
4. الكتابة واللغة:
المصري القديم ابتكر اللغة الهيروغليفية قبل أكتر من 5 آلاف سنة، وكان بيستخدم الحروف والصور في التعبير عن أفكاره ومشاعره. والمكتبات الفرعونية كانت عامرة بالمعرفة، زي مكتبة إدفو ومكتبة أون.
5. احترام المرأة:
المرأة المصرية كان ليها وضع راقٍ، فكانت تملك، وترث، وتدير الأعمال، بل وتجلس على العرش أحيانًا… زي الملكة حتشبسوت وحتشبسوت مريت آمون ونفرتيتي وكليوباترا.
6. علم الفلك والتقويم:
المصري القديم عرف النجوم، ووضع تقويماً دقيقاً مكوَّناً من 365 يومًا، قسم فيه السنة إلى 12 شهرًا… قبل الإغريق والرومان بقرون!
7. القوة الناعمة:
الحضارة دي أثرت في كل من جاورها… من الإغريق للفينيقيين، ومن الفرس للنوبيين، لأنها كانت حضارة قائمة على الهوية، والمعرفة، والإبداع، مش على السيف فقط.
الحضارة المصرية مش مجرد ماضي نفتخر بيه… دي جذور ممتدة في الزمن، ومصدر إلهام للمستقبل. احنا أبناء حضارة عمرها آلاف السنين، ولسه العالم واقف قدامها مبهور بيها… فهلّا وقفنا إحنا كمان لنفهمها ونفخر بيها
