خواطر أغاني الأسواني
الشــريف_أحمد عبد الدايم
صغار الأم تركتنا
بتبكي قلوبنا دعيالها
ومرات الأب ربَّتنا
وقالت علينا عيالها
….
وفي بحر همومنا عامت عوم
وماشافت فينا عيونها النوم
وطالق لو جيت في يوم
لقيتك موش مرعيالها
….
أنا ليها بالفضل مُدان
ولا كان ناشف قدمها
هي عوضتنا فقدان
أمي الله يرحمها
…..
وزي وردة في بيتنا بتشمِّكْ
تطبطب عليكِ وتضمِّك
عايزك تعمليها زي أُمُّكْ
لو دم عينيكِ وعيالها
