فاهيتا اللحمة الشهية

نور محمد

المكونات:

• ½ كيلو لحم مقطع مكعبات صغيرة
• 2 بصلة كبيرة مفرومة مكعبات
• 1 فلفل رومي أخضر مقطع مكعبات
• 1 فلفل رومي أحمر مقطع مكعبات
• 2 ملعقة كبيرة سمنة
• 2 فص ثوم مفروم
• 1 ملعقة صغيرة ملح
• 1 ملعقة صغيرة فلفل أسود
• ½ ملعقة صغيرة بهارات لحمة
• ½ ملعقة صغيرة بابريكا
• ½ كوب ماء مغلي

طريقة التحضير:

في طاسة واسعة وعلى نار عالية، نذيب السمنة، ثم نضيف قطع اللحم ونشوحها جيدًا حتى تأخذ لونًا بنيًا من جميع الجهات.

نضيف البصل ونستمر في التقليب حتى يذبل، ثم نضع الثوم ونقلبه لبضع ثوانٍ حتى تظهر رائحته.

بعد كده نضيف مكعبات الفلفل الأخضر والأحمر، ونقلب المكونات معًا.

نرش البهارات والبابريكا والملح والفلفل الأسود، ونقلب جيدًا علشان تتوزع النكهات.

نصب الماء المغلي، نوطي النار، ونغطي الطاسة، ونسيب اللحمة تكمل تسويتها بهدوء لحد ما تبقى طرية والصوص يتقل.

تُقدم ساخنة مع أرز بالشعرية أو عيش بلدي على حسب الرغبة.

صحة وهنا!