تسالي العيد تحضيرات الترمس والحلبه والحمص والفول

رانيا فتحي
طريقة تحضير الترمس

الترمس نوعين بلدي مر وترمس حلو

طريقة الترمس العادي
بتنقيه كويس وتغسليه كويس وتنقعيه في ميه كافيه لمده ليله كامله
تاني يوم بدلي الميه وفي حله على النار حطي الترمس مع ميه وبدون ملح واسلقيه نصف سلقه
يعني ما تدخليش في السوى قوي
وصفيه من الميه
ونزليه في ميه جديده لتاني يوم وياريت تغيري له الميه مرتين تلاته لمدة يوم كامل
لان له ريحه شويه
ضيفي له الملح وعصير الليمون وكده اصبح جاهز للاكل وبالف هناوشفا

طريقة الترمس المر
نفس الخطوات الا انك بتغيري له الميه بعد السلق 4 ايام كامله او لحد اما تدوقيه تلاقي المراره مشيت
حطيه فى ميه وظبطي الملح وحطي عليه عصير الليمون
وهتكون جاهز تكلي منه بعد ثلاث ساعات…..

الحلبه المنبته
من اسهل التسالى ولها فوائد كبيره

تغسل الحلبة وتنقع بالماء لمدة ساعة تقريبا
ثم تشطف وتوضع بمصفاة ذات ثقوب ضيقة وتغطى بقماشة نظيفة وكل يوم تبل بالماء أو تلف بالقماش مثل الفول
وكل يوم تبل , المهم أنها لا تترك بدون مصفاة حتى لا تتعفن بسبب وجودها بالماء الراكد
ويفضل تقليبها كل يوم وشطفها الى أن تنبت
لكن لا تؤكل نيجى للمرحله اللى بعد كده
كل يوم نرش عليها ميه خفيف
لحد اما النبته تطول وتخرج من فتحات المصفه
وبكده تكون جاهزه للاكل

الفول :-
طريقة الفول نجيب الفول بتاع التدميس العادي ونقيه ويغسل وننقعه برده 9 ساعات ونسلقة في الحله سلق عادي ولما يستوي نحط ملح كمون شطة فلفل حسب الرغبة وممكن يشوي تحت الشوايه
الحمص :-
طريقة الحمص نحيب الحمص برده ننقيه ويغسل وننقعه ليله ونغسله ونسلقه ونحط برره الملح والكمون والفلفل والشطه
ملحوظه كل صنف يفضل في ميته للحفاظ عليه في الثلاجة