««بوابه الظلال»»

550

 

 

««الفصل الثاني»»

 

«««بقلم الكاتبه رويدا عرفه »»»

 

لارا ___ هنا انهارت وقعدت الأرض تعيط وهيا مش عارفه تعمل إيه

 

نرجع لعالم الطبيعه

عند صفيه))))

 

صفيه ___ كانت قاعده مع سهر وقالت: هيا البت لارا اتاخرت ليه كده ،متعرفيش راحت فين

 

سهر ___ أنا شوفتها وهيا طالعه على السطح يا خالتى

 

صفيه ___ لما أروح انده عليها البنت دى هتجننى منها قريب

وطلعت صفيه على السطح علشان تنده على لارا

لارا يا لارا انتى فين يا بنتى

 

ولكن مفيش رد نهائى

 

صفيه__ قالت طيب هتكون راحت فين دى بس

 

ونزلت لتحت

 

سهر ___ يعنى نزلتى وحدك برضو يا خالتى موافتش تنزل معاكى ،انا هروح اطلع عندها

 

صفيه___ استنى لارا مش فوق اساسا

 

سهر___ بصدمه ازاى يعنى مش فوق وانا شايفاها وهيا طالعه قدامى

 

صفيه___ بقلق زى ما بقولك كده يا بنتى،انا قلبى هيقف من الخوف

 

سهر___ لأ لأ اهدى بس كده،يمكن نزلت لتحت وأحنا مش واخدين بالنا

 

داخل اوضه لارا)))

 

لارا___ في لحظه بترجع اوضتها وكانت قاعده في الأرض والسرير والمرايات بتتهز قدامها

 

ودخان كتير ظهر وطلع منها واحده شبه لارا

وقالت

 

الظل __ أنا النسخه الاقوى ومن حقى اكون هنا

 

لارا __ لاااا مستحيل اسمحلك تاخدى مكانى

 

وفي التوقيت دا باب الاوضه اتفتح ورجعت كل حاجه مكانها

 

صفيه ___ بخوف تجرى على لارا وقالت: لارا بنتى ايه اللي مقعدك في الأرض كده ،ومال شكلك كده انتى كويسه

 

لارا ___ بتبص حواليها وعلى المرايات تلاقى كل حاجه رجعت مكانها

 

صفيه ___ تهز فيها لارا انتى كويسه

 

لارا ___ بتوهان ها انا كويسه بس راسى مصدعه شويه ومسكيت دماغها

 

ويعدى اليوم

 

في صباح تانى يوم جديد)))

 

لارا___ بتصحى وهيا ماسكه دماغها وتفتكر اللى حصل امبارح معاها عينيها برقت وقالت: لأ انا اكيد كنت بحلم ،مش معقول كل اللى شوفته دا وحقيقه

وحطيت رجلها في الارض ولسه هتقف لقيت نفس الحجر اللى كان امبارح قالت: بصدمه وخوف لا مش ممكن يكون كل دا حقيقه وطلعت تجرى على امها

 

صفيه___ كانت قاعده بتقرا قرآن

 

لارا___ أول ما شافتها اترميت في حضنها

 

صفيه___ صدق الله العظيم وقفلت المصحف وقالت: مالك يا حبيبتي حلمتى بحاجه وحشه ولا ايه

 

لارا___ بتوتر قالت: اه، لا ،اقصد لأ يعنى خلينى في حضنك شويه يعنى

 

وفجاه التليفون رن

 

لارا___ اتخضيت

 

صفيه___ بصيت عليها بشك وبعدين رديت على التليفون

 

حسين___ ابو لارا قال: عامله ايه يا حبيبتي طمنينى عليكى انتى ولارا،بقولك ايه أنا راكب وجاى

 

صفيه ___ بفرحه قالت: بجد يا حسين انت جاى دا النهارده هيكون عيد

حاضر يا حبيبي هقوم احضرلك الأكل اللى بتحبه

وقفلت معاه

 

لارا __بتبص ليها وقالت: هو مين اللي جاى يا ماما

 

صفيه __ دا ابوكى اللى جاى

 

لارا ___ بزعل قالت: هو لسه فاكر يجى دلوقتي

بعد إيه

 

صفيه ___ مسكيت أيدها وقالت: معلش يا بنتى مش عايزاكى تزعلى من ابوكى ما انتى عارفه غصب عنه ،كان لازم يسافر علشان يوفر لينا عيشه حلوه

 

لارا __’ اه اه ما أنا عارفة عن اذنك يا ماما

 

صفيه ___ بتبص على لارا بيأس وقالت: مفيش فايده فيكى يا بنتى ،بس أنا عارفه لو ابوكى اتكلم معاكى هتنسى كل دا

 

وبعد مرور ساعات)))

 

عند حسين)))

 

حسين ___ كان سايق عربيته ووشه باين عليه القلق، وكل شوية يبص في المراية الخلفية كأنه حاسس إن في حد ماشي وراه

 

حسين ___ لنفسه: إيه الصوت الغريب ده كأن حد بيهمس ولا يمكن من تعب الطريق

يا ترى إيه اللى بيحصل معايا دا

 

وفجأة الإضاءة قدامه بهتت، وطريق كامل اسود لثواني

العربية اتزحلقت شوية وهو كتم نفسه، لكن قدر يوقف على جنب

 

صوت غريب جه من وراه:

رجعنا واللي ضاع زمان لازم يتصلح

 

حسين ___ اتجمد مكانه: مين،مين اللى بيتكلم انت مين أنا مش شايف حاجه

 

مافيش رد لكن الهواء اتغير وبرودة غريبة عدت في ضهره

 

حسين ___ تمتم: أستغفر الله العظيم أكيد أنا محتاج أنام بس ،اكيد اللى أنا سمعته دا تهيؤات من التعب أنا متأكد،انا لازم أوصل في أسرع وقت

 

ركب وكمل طريقه وهو مش عارف إن دا كان الإنذار الأول

#رويداعرفه

 

حسين ___ كان سايق وهو متوتر، كل شوية يحط إيده على قلبه

وقال لنفسه:

أنا ليه حاسس إن في حاجه مش طبيعية، كأن الدنيا اتقلبت فجأة

فجأة التليفون رن

حسين ___ بص للشاشة رقم غير معروف

تردد يرد، لكن ضغط على الزر

وقال: ألو

الصوت ___ جه هادي بس تقيل:

إوعى توصل يا حسين لو وصلت، الدم هيسيل

حسين ___ صرخ:انت مين وجبت رقمى منين

الصوت ___ ضحك بخفه وقال:

أنت عارف أنا مين، وعايز تنقذ بنتك ولا لأ

 

حسين ___ قلبه وقع: بنتي لارا انت عملتلها ايه

 

الصوت ___: انا لسه معملتش حاجه بس الوقت قرب

البوابة فتحت، والحارسة بدأت تفتكر

وأنت ،انت جزء من اللعنة اوعى تنسى كده

 

الخط اتقفل فجأة

حسين ___ ضرب الدركسيون بعصبية:

لا لا مستحيل

وأول مرة في حياته يحس إن سفره مش كان شغل كان هروب

 

“”عند لارا “”

 

لارا ___ قاعدة على السرير، وإيديها بتترعش من الحجر اللي لقيته الصبح.

مسكته بحذر ووشها اتبدل وقالت:

لارا ___ ليه رجعت ،أنا رميتك امبارح ، إزاى ظهرت تاني هنا

وفجأة الحجر نور بنور بنفسجي خفيف نفس النور اللي ظهر في السطح

 

لارا ___ اتراجعت وقالت: لا كفاية مش عايزة أشوف حاجة تاني.

لكن النور بقى أقوى وظهر صوت همس رجالي:

“البداية لسه وكل اللي فات كان مجرد فتح الباب

 

لارا ___ بصوت مرتعش: إنت مين وعايزين منى إيه

 

الصوت ___ “أهلك خبوا الحقيقة بس الظلال عمرها ما بتنسى حقها

 

وفجأة كل حاجة وقفت كأن الزمن اتجمد.

إلا لارا والحجر وفي لمح البصر

 

لارا كانت في عالمهم

 

لارا __ بتبص حواليها لقيت نفسها قاعده في نفس المكان

ونبراس كان واقف قدامها

 

نبراس ___ كان بيبص عليها ويبتسم

 

لارا ___ أول ما شافته اتطمنت شويه وقالت: عم نبراس انت هنا كويس إنك موجود ،كنت عايزه أسألك سؤال

 

نبراس ___ بيبص عليها وبرضو ساكت

 

لارا ___ في ايه يا نبراس حتى انت كمان اقعد بقى خلينى اتكلم واحكى معاك

 

نبراس ___ قعد قصادها وقال: وادى قعده يا ستى لارا

 

لارا ___ ايه دا هو انت بتعرف في الامثال زيينا

 

نبراس ___ لا انتى شكلك عايزه تهزرى وانا مش فاضى ولسه هيقوم

 

لارا ___ مسكيت أيده وحسيت بسخونه غير طبيعيه وقالت: اقعد بقى متبقاش حمقى وقفوش.

وابتدت تتكلم

 

لارا__” فى حاجه غريبه عرفتها النهارده يا نبراس

 

نبراس ___ باهتمام أيه هيا

 

لارا ___ الصوت بيقولى إن اهلى خبو الحقيقه عليا ،وانا مش عارفه حقيقه ايه ولا فاهمه حاجه ،متعرفش أنت

 

نبراس ___ بتوتر ها لأ أنا معرفش حاجه بعد اذنك انا لازم اختفى حالا شبيهتك جايه

 

لارا __ بخوف نبراس يا نبراس خد تعال هنا متسبنيش وحدى

 

وفجاه ظهرت شبيهتها

 

نسخه لارا ___ يا اهلا وسهلا بيكي يا لارا عارفه انك وحشتيني

 

لارا ___ بتحاول تستجمع قوتها وقالت: بقولك ايه أوعى يكون فكرك أنك كده هتخوفينى لأ تبقى غلطانه ،انا مستحيل اخاف من واحده آخرها ظلى

#رويداعرفه

 

نسخه لارا ___ بعصبيه انتى قد كلامك دا يا لارا وكانت بتقرب عليها

 

لارا ___ بترجع خطوتين لورا اه قد كلامى

إنتى عمرك ما هتاخدي مكاني

 

الظل ___ تقرب منها وكأنها دخان أسود

ده مش قرارك ده قدر

 

لارا ___ صرخت: باعلى صوتها نبراس أنت فين يا نبراس

 

وفجأة ظهر العجوز النبراس من ركن الغرفة، لكن شكله كان مرهق

النبراس ___ بصوت مكسور: يا لارا قوتهم كبرت ومش هقدر أحميك كتير لازم تعرفي الحقيقة قبل ما يفوت الأوان

#رويداعرفه

 

لارا ___ حقيقة إيه قول بسرعة

 

النبراس ___ قرب منها وقال:

أبوكي مش مجرد إنسان

وأمك خبت عليك جزء من الحقيقيه

إنتى آخر حارسة للبوابة

والقبيلة كلها جايه تاخدك

 

لارا ___ اتجمدت مكانها: أبوياااا

وفي اللحظة دي

باب الغرفة اتهز جامد… وصوت ظلال كتير برا بتقول بصوت واحد

افتحي يا لارا دورك جه

لارا ___ بصوت مختنق: أنا مش جاهزة

 

النبراس ___ بصوت عالي: لازم تكوني جاهزة وإلا عالمك كله هيضيع

 

عند صفية)))

صفيه ___ كانت واقفة في المطبخ بتحضر الأكل لحسين، وفجأة سمعت خبطة جامدة فوق

 

صفيه ___ رفعت راسها وقالت: يا ساتر يا رب البت طلعت السطح تاني ولا إيه

وهي طالع السلم علشان تشوفها النور قطع فجأة، والبيت بقى ضلمه

 

صفيه ___ بخوف: يا رب استرها

 

وفجاه ظهرت قطه سيده وسط الضلمه

عينيها بتلمع بنور بنفسجى

 

صفيه ___شهقت وفضلت واقفه متجمده مكانها من الصدمه وقالت:

بسم الله الرحمن الرحيم انتى جتي منين

وازاى بتتكلمى زيينا

 

القطة __ بصوت منخفض مش مسموع إلا لصفيه:

انكشف اللي كان مخفي جه وقت الحساب، يا صفية ،وبنتك هتدفع التمن

 

صفيه___ لارااااا بنتى لاااااا

 

انتظروني