د.نادي شلقامي
كتب القلم ع اللوح كل الحروف…
ونسي يكتب حرفي…

قلت ليه ياقلم ده انا اتهريت غلب..
ومايهون عليك ضعفي…

ده أنا حرفي لو إتكتب علي الرمال…
هاتصير تنادي بأسمي..

ولو إتعلق علي شواشي النخيل…
ها يخط الجريد رسمي…

ولو شرب عليل بالدواء حرفي..
لصار سبع يمدح بنسمي…

إكتب يا قلم ولا تنسي أبدا كتابة…
حرفي أبدا ولا إسمي….

ده علام الغيوب هو اللي يعلم ….
بما يحتويه جسمي…

وهو الرزاق اللي كتب في الأزل…
نصيبي وكمان قسمي…

واللي يمسك في ربنا ما ينضام…
ويصبح في نعمه ويمسي….